Gramoz Ruci behet gjysh

Të qenurit gjysh është një ndjenjë, që të bën të harrosh gjithçka, lumturohesh.Dhe nuk e konceptoj si shumë të tjerë që thonë se kur bëhesh gjysh plakesh.Për mua të bëhesh gjysh rinohesh. Të zbresësh në rininë e hershme të mrekullohesh. Sa gjë e bukur do të ishte sikur të gjithë politikanët të bëheshin gjyshër dhe do të ndjeheshin ndryshe.Këtë vit ndihem i mrekulluar”.Kështu është shprehur për mbesën njëmuajshe Miahelenën, vajzën e vajzës, Gramoz Ruçi një nga figurat më pikante të politikës.Kreu i Asamblesë së Partisë Socialiste, ka zgjedhur Vlorën për të kaluar pushimet bashkë me familjen. Grand Hotel,është streha e tij, ku nën shoqërinë e më të resë në familje, pushimet janë bërë edhe më interesante. Paraditet i kalon në plazh duke marrë rreze, notuar e duke shëtitur mbesën e vogël, ndërsa pasditet me miqtë që shpesh shkojnë e vizitojnë në hotelin ku qëndron. Nuk është e lehtë të komunikosh me Gramoz Ruçin dhe ka qenë ai vetë që ka kërkuar nga pronari i lokalit t’i ruhet anonimati.