Politikane, gazetare. te aferm te viktimes si dhe vete Presidenti topi
kane shprehur sot ngushellimet dhe kane bere homazhe prane
arkivolit me trupin e Dritan Hoxhes vendosur ne oret e para te
mengjesit ne ambjentet e Top Chanell ne Tirane.
Mesazhe te shumta ngushellimi kane ardhur edhe nga personalitete te ndryshme te jetes publike nga Kosova dhe Maqedonia
Presidenti
i Top Media, Dritan Hoxha ka gjetur vdekjen mëngjesin e sotëm
(e Premte) gjatë një aksidenti në qendër të
Tiranës.
Po ashtu
është gjetur e vdekur dhe një 27-vjeçare që
ndodhej në makinë me të. Policia e identifikoi si 27
vjeçaren H.E., me banim në Tiranë.
Kur hetuesit shkuan në vendngjarje, konstatuan se kilometrazhi i mjetit ishte fiksuar në 250 km/ore
Një
grup hetimor shkoi në vendngjarje dhe pritet të dalë me
konkluzione të ekspertizës për të konfirmuar
zyrtarisht shkakun e ngjarjes.
Drejtoria e Policisë së
Tiranës tha se ngjarja ndodhi rreth orës 01.50 të
ditës së sotme, në Bulevardin “Bajram Curri”
në Tiranë.
“Si pasojë e humbjes së
kontrollit të drejtimit, gjatë dhënies së
automjetit në pronësi të tij, tip “Ferrari”
ngjyrë e kuqe, me targa DK 3892 H, me një fuqi motorike prej
6000 kubikë, ka përshkruar në një
hapësirë të plotë 82 metra, duke dalë nga
rruga dhe rënë në lulishten përbri lumit të
Lanës, ku për pasojë automjeti është
ndarë në dy pjesë dhe është shkatërruar
tërësisht”, deklaroi policia.
Sipas hetimit paraprak,
“gjatë dhënies së mjetit, viktima është
përplasur me një pemë dekorative (perimetri i të
cilës është 3.1 metër) si dhe dy ndriçues
dekorativ buzë trotuarit, në afërsi të lulishtes
Çajupi në Bulevardin “Bajram Curri” në
Tiranë.
Ndërkohë, si pasojë e
përplasjes automjeti tip Ferrari është përplasur me
pemën 3.1 metra, ku dhe pjesët e saj janë ndarë
në dy pjesë.
“Në këtë ngjarje
humbën jetën Dritan Hoxha, 37 vjeç, banues në
Tiranë, pronar i televizionit Top Channel si dhe shtetasja me
iniciale H.E, 27 vjeç, banuese në Tiranë”, - tha
zëdhënësja Alma Katragjini.
Në vendin e ngjarjes,
mbërritën forca të shumta policie, duke
ndërhyrë menjëherë, për të
dhënë ndihmën e parë të dëmtuarve, ku
për pasojë shtetasi Dritan Hoxha, përgjatë
rrugës për në Spitalin Ushtarak Tiranë, nuk mundi
të jetonte, ndërsa 27 vjeçarja H.E., ka gjendur
vdekjen e menjëhershme.
Ndërkohë, në vendin e
ngjarjes ka shkuar një grup hetimor nën drejtimin e
Zv/prokurorit të Rrethit Gjyqësor Tiranë Genci Qano,
drejtues të Policisë së Tiranës, tre ekspertë
të Institutit të Policisë Shkencore, Ekspertë
të Mjekësisë Ligjore, dhe Ekspertë të
Policisë Rrugore, pranë Drejtorisë së
Përgjithshme të Policisë së Shtetit.
Policia theksoi se “të gjitha
veprimet procedurale janë shoqëruar me filmimet
përkatëse, gjatë këqyrjes së vendit të
ngjarjes”.
