Operohet për bajamet, vdes nga hemorragjia
Vdekja e një pacienteje 17-vjeçare ka vënë
nën hetim një grup mjekësh të shërbimit
të ORL-së në Qendrën Spitalore Universitare
"Nënë Tereza" nga Prokuroria e Tiranës dhe Pogradecit.
Pacientja Matilda Petriti ka humbur jetën ditën e diel
në mbrëmje pasi ishte operuar më parë nga bajamet
në një klinikë private në Pogradec, pronë e
mjekut Xhevahir Hoxhalalri, që punonte njëkohësisht edhe
në Spitalin Francez pranë QSUT-së. Prindërit e saj,
akuzojnë në mënyrë të drejtpërdrejtë
mjekun Hoxhallari, por edhe mjekët e QSUT-së, si
përgjegjës së vdekjes së vajzës së tyre.
Ndërkohë që ekspertiza mjeko-ligjore ka nxjerrë
në pah se pacientes i është këputur një damar,
i cili ka qenë edhe shkak i hemorragjisë.
Ngjarja
Për shkak të problemeve të shpeshta me bajamet
që kishte Matilda, prindërit e saj, më 7 prill të
këtij muaji iu drejtuan një klinike private në Pogradec,
pronë e mjekut Xhevahir Hoxhallari. Sipas prindërve të
saj, mjeku Hoxhallari, i cili ka kryer edhe ndërhyrjen
kirurgjikale kundrejt një pagese prej 11 mijë lekësh, 2
orë pas operacionit ka rekomanduar dërgimin e saj në
shtëpi, pasi ajo nuk ka patur më probleme. Në fakt, nuk
ka ndodhur kështu, pasi 22 ditët në vijim për
Matildën kanë qenë me hemorragji, ku i është
nënshtruar edhe 4 operacioneve të tjera derisa ajo
ndërroi jetë në spital. Duke parë gjendjen e
vajzës, i ati, Besim Petriti tregon se ishte transferuar në
Maliq, për të qenë më afër ndonjë
emergjence. Pikërisht të dielën pasdite vajza
është përkeqësuar, duke pësuar
hemorragjinë e radhës. Më pas është
dërguar drejt shërbimit të ORL-së në QSUT, ku
është kontrolluar nga një grup prej 5 mjekësh
të këtij spitali, të cilët sipas prindërve
kanë siguruar se ajo nuk ka probleme. Por në orët e vona
të ditës së diel, pacientja ka patur përsëri
hemorragji, derisa rreth orës 20 ajo ka ndërruar jetë.
Ekspertiza
Të hënën në mëngjes nisi ekspertiza
mjeko-ligjore për të vërtetuar nëse gjatë
operimit ishte prerë një nga damarët, rezultatet e
të cilës po priteshin edhe nga Prokuroria. Ekspertiza ka
dalë me konkluzionin se vdekja ka ardhur për shkak të
hemorragjisë. Familjarët kishin akuzuar më herët se
gjatë operimit ishte prerë një damar që shkaktoi
hemorragjinë e vazhdueshme. Ndërkohë bëhet e ditur
se autopsia është kërkuar nga policia, e cila prej
mesnatës së djeshme ka nisur hetimin për këtë
rast. Dje janë marrë në pyetje të afërm dhe
disa mjekë që janë përfshirë në
këtë ngjarje
-----------------------------------------------
Mjeku
i akuzuar, Xhevahir Hoxhallari ka shpjeguar për gazetën
të gjitha detajet e ngjarjes për Matilada Petritin
Hoxhallari: Për fajtorët, le të vendosin hetimet
Gjatë operacionit pacientja 17-vjeçare nuk ka patur
asnjë komplikacion. Hemorragjia i ka filluar 4 ditë pas
ndërhyrjes kirurgjikale. Ky ka qenë një ndër
justifikimet e mjekut Xhevahir Hoxhallari, i akuzuar për vdekjen e
pacientes nga Korça, Matilda Petriti. Në një
intervistë dhënë në linjë telefonike për
gazetën "Shekulli", Hoxhallari ka shpjeguar të gjitha detajet
e ngjarjes. Ai thekson se nuk e di nga se ka ardhur vdekja e pacientes,
por është i bindur se nuk ka bërë asnjë gabim
profesional. Madje ai pohon se ka qenë i pari që ka njoftuar
policinë për këtë ngjarje, duke lënë
të nënkuptojë se faji mund të jetë i dikujt
tjetri.
Familjarët e 17-vjeçares Matilda Petriti ju
akuzojnë se jeni përgjegjës i vdekjes së saj.
Çfarë mund të na thoni në lidhje me
këtë ngjarje?
Para rreth 25 ditësh, pacientes i kam realizuar operacionin
për heqjen e bajameve. Gjatë operacionit vajza nuk ka patur
asnjë komplikacion. Madje komplikacionet i kanë filluar 4
ditë pas ndërhyrjes kirurgjikale dhe konkretisht hemorragjia.
Është dërguar në spitalin e Korçës
për mjekim. Mjekët e këtij spitali më thanë se
pacientes i është hequr gjak i mpiksur në plagën ku
është bërë operacioni, por pas kësaj gjendja
është normalizuar dhe është dërguar në
shtëpi. Pas dërgimit në shtëpi marr vesh që
ajo ka pësuar hemorragji më të madhe.
Mendoni se gabimi mund të ketë ndodhur në spitalin e Korçës?
Unë nuk mendoj asgjë. Po e ritheksoj edhe
njëherë, hemorragjia i ka filluar 4 ditë pas
operacionit, çka do të thotë se ndërhyrja ka
qenë korrekte. Për gabimet apo fajtorët, do të
flasin hetimet.
Më pas e kam futur përsëri në operacion, i
është bërë një kapje në vendin e
plagës, ku i shpërthente gjaku. Pas këtij operacioni,
pacientja është normalizuar dhe komplikacionet e tjera i
kanë filluar 25 ditë pas operacionit. Është
dërguar në spitalin e Korçës rreth orës 5
të pasdites. Unë, duke e patur vetë merak këtë
rast, kam vajtur në spitalin e Korçës rreth orës
8 të mëngjesit dhe vura re se gjendja ishte e stabilizuar.
Megjithatë mendova se pacientja kishte nevojë për
ndjekje më të specializuar dhe e sollëm në
Tiranë, dhe konkretisht në shërbimin e ORL-së
pranë QSUT-së. E kam shoqëruar vetë pacienten me
ambulancë nga Korça dhe kemi mbërritur rreth orës
2 të pasdites. Sapo e sollëm në shërbimin e
ORL-së bëmë të gjitha analizat dhe iu
nënshtrua një tjetër ndërhyrjeje nga mjekët e
këtij shërbimi. Pasdite, deri nga ora 6, kur unë kam
qenë i pranishëm, pacientja nuk kishte hemorragji dhe ishte
stabilizuar. Pas kësaj ore unë u largova dhe nga ora 7 e 15
minuta të mesditës, mjekët e QSUT-së më
morën në telefon dhe më thanë se pacientja kishte
hemorragji dhe se gjaku ishte i vrullshëm. Për fat të
keq, ajo nuk mundi të mbijetonte.
Cili është shkaku i vdekjes së pacientes Matilda Petriti, sipas mendimit tuaj?
Është e vështirë të jap një
përgjigje se nga i kanë ardhur komplikacionet dhe më pas
vdekja e pacientes. Për këtë do të vendosin
hetimet. Unë e them me përgjegjësi të plotë se
jam i ndërgjegjshëm se nuk kam bërë asnjë
gabim profesional, pasi gjatë operacionit dhe 4 ditë pas
operacionit, pacientja nuk ka patur asnjë komplikacion.
Sapo pacientja ndërroi jetë, unë lajmërova
policinë dhe Mjekësinë Ligjore në mënyrë
që çështja të shqyrtohet nga organet kompetente
dhe të nxjerrë në pah të vërtetën.
-----------------------------------
Prindërit
e 17-vjeçares Matilda Petriti akuzojnë mjekët për
vdekjen e saj. Ekspertiza: I është prerë damari
Operohet për bajamet, vdes nga hemorragjia
Vdekja e një pacienteje 17-vjeçare ka vënë
nën hetim një grup mjekësh të shërbimit
të ORL-së në Qendrën Spitalore Universitare
"Nënë Tereza" nga Prokuroria e Tiranës dhe Pogradecit.
Pacientja Matilda Petriti ka humbur jetën ditën e diel
në mbrëmje pasi ishte operuar më parë nga bajamet
në një klinikë private në Pogradec, pronë e
mjekut Xhevahir Hoxhalalri, që punonte njëkohësisht edhe
në Spitalin Francez pranë QSUT-së. Prindërit e saj,
akuzojnë në mënyrë të drejtpërdrejtë
mjekun Hoxhallari, por edhe mjekët e QSUT-së, si
përgjegjës së vdekjes së vajzës së tyre.
Ndërkohë që ekspertiza mjeko-ligjore ka nxjerrë
në pah se pacientes i është këputur një damar,
i cili ka qenë edhe shkak i hemorragjisë.
Ngjarja
Për shkak të problemeve të shpeshta me bajamet
që kishte Matilda, prindërit e saj, më 7 prill të
këtij muaji iu drejtuan një klinike private në Pogradec,
pronë e mjekut Xhevahir Hoxhallari. Sipas prindërve të
saj, mjeku Hoxhallari, i cili ka kryer edhe ndërhyrjen
kirurgjikale kundrejt një pagese prej 11 mijë lekësh, 2
orë pas operacionit ka rekomanduar dërgimin e saj në
shtëpi, pasi ajo nuk ka patur më probleme. Në fakt, nuk
ka ndodhur kështu, pasi 22 ditët në vijim për
Matildën kanë qenë me hemorragji, ku i është
nënshtruar edhe 4 operacioneve të tjera derisa ajo
ndërroi jetë në spital. Duke parë gjendjen e
vajzës, i ati, Besim Petriti tregon se ishte transferuar në
Maliq, për të qenë më afër ndonjë
emergjence. Pikërisht të dielën pasdite vajza
është përkeqësuar, duke pësuar
hemorragjinë e radhës. Më pas është
dërguar drejt shërbimit të ORL-së në QSUT, ku
është kontrolluar nga një grup prej 5 mjekësh
të këtij spitali, të cilët sipas prindërve
kanë siguruar se ajo nuk ka probleme. Por në orët e vona
të ditës së diel, pacientja ka patur përsëri
hemorragji, derisa rreth orës 20 ajo ka ndërruar jetë.
Ekspertiza
Të hënën në mëngjes nisi ekspertiza
mjeko-ligjore për të vërtetuar nëse gjatë
operimit ishte prerë një nga damarët, rezultatet e
të cilës po priteshin edhe nga Prokuroria. Ekspertiza ka
dalë me konkluzionin se vdekja ka ardhur për shkak të
hemorragjisë. Familjarët kishin akuzuar më herët se
gjatë operimit ishte prerë një damar që shkaktoi
hemorragjinë e vazhdueshme. Ndërkohë bëhet e ditur
se autopsia është kërkuar nga policia, e cila prej
mesnatës së djeshme ka nisur hetimin për këtë
rast. Dje janë marrë në pyetje të afërm dhe
disa mjekë që janë përfshirë në
këtë ngjarje
-----------------------------------------------------------
Sipas Besim Petritit, fajtor për vdekjen e vajzës është mjeku Hoxhallari dhe ata të QSUT-së
Babai: Fajtor të vdekjes së Matildës janë mjekët
Papërgjegjshmëri dhe veprim antinjerëzor nga
mjekët. Kështu është shprehur babai i pacientes
që ndërroi jetë, Besim Petriti. Sipas tij e bija
është bërë operacion para 25 ditësh, në
klinikën private të mjekut Xhevahir Hoxhallari, në
Pogradec. "Është 100 për qind papërgjegjshmëri
e mjekut antinjerëzor sepse vajza, për 25 ditë, ka
qenë 10 herë me hemorragji",- pohon Petriti duke shtuar se
mjekut Hoxhallari i kishin kërkuar që të konsultohej
edhe me mjekë të tjerë. Madje ata, sipas tij, i kishin
kërkuar t'i rekomandonte ta nxirrnin jashtë vendit, pasi i
kishim mundësitë për në Maqedoni dhe Greqi, por ai
nuk ka bërë asgjë. "Të dielën rreth orës
6.30 ka pasur hemorragji, e kanë lajmëruar infermieret, por
nuk bëri asgjë, por mjeku Hoxhallari tha se e ka marrë
vetë nën kujdes në Tiranë",- pohon ai, duke shtuar
se mjeku e ka hipur në një ambulancë e cila nuk kishte
serum dhe vetë mjeku i ka shoqëruar me makinën e tij
private. Pas kësaj, ai thekson se vajzën e dërguan me
urgjencë në Spitalin e Tiranës, por edhe aty ka
shumë ankesa pasi vajzës edhe pse iu bënë tre
ndërhyrje të tjera për ndaljen e hemorragjisë,
sipas babait të saj, ajo nuk u çua në reanimacion, por
në një dhomë në një cep të pavionit, larg
vëmendjes. "E ngjiti në katin e dytë dhe e la atje dhe
nuk na tha asgjë. I bëmë presion që të na
tregonte se çfarë kishte vajza. Në orën 7 pa 10
dhe na tha ikni në shtëpi. Kërkuam ndihmën e
mjekëve dhe të infermierëve, por nuk kishte njeri dhe e
nxorëm jashtë. Pas 40 minutash erdhi shefi dhe e bëri
alarmante",- thotë babai i pacientes duke shtuar se pavioni u
rrethua me policë, por ai kishte ikur fshehurazi dhe
atëherë ne kishin kuptuar se vajza kishte vdekur. "Na ka
futur mjekë që të mos e bëjmë publike, por ne
nuk e duruam vdekjen e vajzës tonë për faj të
tyre",- thekson ai.
Kolegët e Hoxhallarit: Ja aktiviteti i tij
Pogradec - Përballë ish-Fabrikës së Blojës,
në krye të zonës industriale ndodhet klinika private e
Xhevahir Hoxhallarit. Mjeku specialist, thonë kolegët e tij,
ka marrë një specializim për ORL pas daljes në
pension të specialistit të ORL, Sotiraq Pilinxhi.
Kolegët e mjekut Xhevair Hoxhallari tregojnë aktivitetin e
Xhevahir Hoxhallarit, të cilët theksojnë se ai punonte
në disa vende. Kështu, drejtori i spitalit të qytetit
të Pogradecit, Robert Gusho pohon se ai, pasi punoi pak vjet
në spital, mori një licencë nga Ministria e
Shëndetësisë për të dalë si mjek privat.
Tek ish-mobilieria e Ndërmarrjes Komunale, sipas tij, Hoxhallari
pasi i bleu vendin dhe ngriti një vilë disakatëshe,
në katin e parë ai krijoi klinikën private. Gjithashtu
ai pohon se pas pak kohësh, Xhevahiri transferohet në
Tiranë duke punuar katër ditë në QSUT dhe tre
ditë në Pogradec . "Mjeku kthehej në Pogradec ditën
e premte në mesditë, ku e prisnin një numër i madh
pacientësh pasi rrethi i Pogradecit me më shumë se 85
mijë banorë, kishte të vetmin specialist në
këtë fushë (privat) dhe radha për vizitë dhe
operacionet që ai kryente, ishin të planifikuara në data
të caktuara",- pohojnë banorët duke shtuar se
përveçse nga rrethi i Pogradecit, vinin edhe shumë
pacientë nga rrethet fqinjë pasi mjeku Xhevahir Hoxhallari
kishte krijuar një emër të mirë në të
gjithë rajonin.
Burimi: gazeta Shekulli
