Një grup serbësh të Kosovës protestuan
në Mitrovicë kundër vendimit të Serbisë,
për të nënshkruar marrëveshjen për lidhje
më të ngushta me Bashkimin Evropian. Protestuesit dogjën
flamurin amerikan dhe kritikuan Presidentin serb Boris Tadiç,
që autorizoi nënshkrimin e marrëveshjes.
Kryeministri serb, Vojislav Kostunica, kundërshtoi
nënshkrimin e marrëveshjes, nëse aty nuk thuhet
qartë se Kosova është pjesë e Serbisë. Ai
thotë se një marrëveshje pa një klauzolë
të tillë do të nënkuptonte njohjen e
pavarësisë së Kosovës. Pavarësia e
Kosovës është njohur nga mbi 30 vende,
përfshirë Shtetet e Bashkuara. Por Serbia dhe aleatja e saj
tradicionale, Rusia, këmbëngulin në ruajtjen e
sovranitetit serb në Kosovë.
Zyrtarët e Bashkimit Evropian, shpresojnë se
nënshkrimi i marrëveshjes para zgjedhjeve parlamentare
të 11 majit në Serbi do të ndihmonte politikanët
reformatorë
(Burimi: Gazeta Shekulli)
