Dyqanet janë të mbyllura, pikat e furnizmit me
naftë bosh dhe çmimet po rriten nga ora në orë
sepse mallrat që kalojnë mes Sinait verior po rrallohen.
Ndërkohë kolonat e makinave nga Rripi i Gazës nuk
mbarojnë. Por jo të gjithë vijnë për të
blerë ushqime. "Kanë ardhur për të marrë pak
ajër të pastër, asgjë tjetër."
Kështu thotë një i moshuar, ndërkohë
që një gura egjiptiane tregon: "Kam ardhur këtu për
të parë Palestinën. Kjo është një
ditë historike për ne egjiptianët."
Ndërkohë Egjipti vazhdon të përpqet për
ndërmjetësim mes fraksioneve palestineze. Të dielën
presidenti egjiptian Mubarak organizoi një konferencë
ministrash. Ministri i jashtëm Abul Gheit u shpreh
ndërkohë për mediat se Hamasi dhe presidenti palestinez
Abaz janë futar në Kairo, për të zhvilluar bisedime
të përbashkëta. Ai theksoi se për zgjidhjen e
problemit nevojitet edhe bashkëpunimi i Hamasit
radikal-islamik: "Për ta vënë në fuqi
marrëveshjen e kufirit, e cila është nënshkruar
në të kaluarën, kemi nevojë për një
iniciativë të përbashkët të Egjiptit,
BE-së, Izraelit dhe palestinezëve. Palestinezët mund
të përfaqësohen në këto bisedime nga zyra e
tyre autnome, e cila kontrollon kufijtë ose nga Hamasi, që
aktualisht kontrollon kufijtë."
Sipas mediave, presidenti Abaz do të arrijë të
mërkurën në Kairo për t´u takuar me homolugn
e tij egjiptian Mubarak. Abaz nuk pranoi bisedime tripalëshe. Edhe
hamasi reagoi në mënyrë pozitive ndaj ftesës
së Mubarakut. Shefi i byrosë politike, Mashal, i cili jeton
në Damask, shpjegoi gjatë një interviste me gazetën
"asharq al-avsat", se organizata e tij është parimisht dakord
që te heqë dorë nga udhëheqja e Rripit të
Gazës, në rast se ky hap do të sjellë vërtet
bashkimin e palestinezëve dhe do të zgjidhë problemin e
bllokadës së izraelitëve.
