Reagimi i Nishanit ka ardhur pas shfaqjes në
media të një videoje ku përfaqësuesi i kësaj
firme, gjatë zhvillimit të tenderit ka pranuar se nuk
disponojnë modelet e kartave, që duhet të ishin prej
material polikarbonati. "Jo vetëm për kompaninë "SAGEM"
por për të gjitha kompanitë, mënyra se si
është bërë vlerësimi është e hapur
për ju dhe publikun e po ashtu për kompanitë e
interesuara. Komisioni i Vlerësimit të Ofertave niset mbi
bazën e dokumentacionit, momenti i parë i kualifikimit
bëhet mbi bazën e shqyrtimit të dokumentacionit ligjor,
që është pjesa themelore. Në rast se ndonjë
kompanie do t'i mungonte dokumentacioni ligjor, apo nuk do të
kishte një dokumentacion që është ligjërisht e
pastër, apo që është i ligjshëm aktiviteti i
saj nuk do të merrej më tej në shqyrtim. Ne nuk kemi
asnjë dokument zyrtar, i cili të tregojë se kompania
në fjalë ka probleme me ligjin, apo ka pasur probleme me
ligjin diku në ndonjë vend. Çështjet e
interpretimeve, që kanë të bëjnë me problemet
e administratës së një vendi të caktuar, unë
besoj se nuk i takojnë administratës shqiptare",- tha
Nishani.
***
"Kartat e paraqitura dje nga Nishani, nuk janë ato që kërkohen sipas kritereve të tenderit"
Kompania "SAGEM" nuk ka paraqitur mostra të
kartave që kërkoheshin në tenderin e zhvilluar nga ana e
Ministrisë së Brendshme dhe një fakt i tillë
pranohet gjatë hapjes së zarfeve edhe nga
përfaqësuesi i këtij subjekti, në prani edhe
të konkurrentëve të tjerë në këtë
tender. Në pamjet filmike tregohet se vetë
përfaqësuesi i firmës "SAGEM" ka pranuar gjatë
zhvillimit të tenderit, që nuk patën kohë që
të përgatisnin specimenet e kartave me polikarbonat. Ai
është justifikuar duke thënë se gjatë
transportit me avion, mostrat që duhet të paraqiste në
Tiranë ishin dëmtuar dhe për këtë arsye i
kishte zëvendësuar me disa të tjera. Kjo gjë
është vënë re edhe nga zv/ministri i
Brendshëm, Ferdinand Poni, i cili ka bërë hapjen e
zarfeve. Por ministri i Brendshëm, Bujar Nishani ka paraqitur
gjatë ditës të djeshme mostrat e kartave të sjella
nga ana e kompanisë "SAGEM", pikërisht ato mostra të
cilat nuk janë konform kërkesave të këtij tenderi.
Sipas specialistëve të teknologjisë, kartat e bëra
publike nga ana e ministrit gjatë ditës së djeshme nuk
janë me material polikarbonat dhe me ÇIP hibrid, siç
kërkohet specifikisht në kriteret e tenderit.
***
Mostra e kartës me material polikarbonat me
hibrid ÇIP (pra me cipë elektronike) i personalizuar, pra
me figurën dhe të dhënat e një njeriu të
çfarëdoshëm për shembull, duhej që të
ishin në një numër prej 15 copë. Nishani paraqiti
dy karta të bardha, me material PVC jo polikarbonat, sipas
specialistëve të kësaj fushe, ndërsa tha se
janë hibrid ÇIP, por që realisht janë me
një. Paraqiti dhe një kartë me polikarbonat me 1
çip.
Këtë fakt, në momentin e paraqitjes
së dokumenteve në tender e pranon dhe përfaqësuesi
i "SAGEM". Nëse i referohemi pamjeve filmike të zhvillimit
të tenderit, përfaqësuesi i firmës "Sagem" pranon
se mostrat e kartave nuk janë siç kërkohen, për
shkak se kompania nuk ka patur kohë t'i përgatisë. Pra,
sipas kritereve të kësaj gare duhet që të
paraqiteshin vetëm 15 copë specimene polikarbonat hibrid
të personalizuar. Sipas burimeve të gazetës, "SAGEM"
paraqiti një mungesë të theksuar në paraqitjen e
këtyre mostrave dhe një fakt i tillë, është
ekspozuar gjatë ditës së djeshme edhe nga ministri
Nishani.
***
Në deklaratën e bërë
gjatë ditës së djeshme nga ministri Nishani
është deklaruar se kompania "SAGEM" është brenda
kritereve të përcaktuara nga ligji shqiptar. Por historiku i
kësaj kompanie, që ka pasur aktivitet të saj në
Nigeri, të ngjashëm me atë që kërkohet edhe
në koncesionin e Ministrisë së Brendshme,
është i errët. Për të plotësuar
kërkesën e koncesionit lidhur me eksperiencën, "SAGEM"
ka paraqitur 26 faqe me materiale që tregonin për një
punë të tyren të zhvilluar në Nigeri, ku kishte
bërë kartat e identitetit. Por kjo punë e bërë
nga "SAGEM" ka rezultuar si një dështim pasi ka sjellë
një valë arrestimesh dhe dënimesh të zyrtarëve
vendas, por edhe të atyre të vetë kompanisë,
për probleme në tender dhe në vetë kartat e
identitetit. Dy ministra të qeverisë së Nigerisë
janë dënuar për marrje ryshfeti. Sidoqoftë, u
zbulua se agjentët e "SAGEM" në Nigeri, përfshirë
menaxherin e zonës dhe të sistemeve të identifikimit,
Jean Pierre Delarue, qytetar francez dhe Niyi Adelagun, organizuan dhe
zbatuan një skemë ku paratë do t'i shkonin
zyrtarëve të lartë të shtetit. Christophere Agidi,
ish-drejtor i "DNCR" dhe një aktor kryesor në skemën e
ryshfeteve është arrestuar në Mbretërinë e
Bashkuar. Komisioni thotë se po bëhen përpjekje për
ta ekstraduar në Nigeri, për të marrë pjesë
në hetimin e komisionit.
Skndali korruptiv
"SAGEM-it" në Nigeri i ishte caktuar një
kontratë prej 214 milionë dollarësh nga qeveria e
Nigerisë, në vitin 2001, për prodhimin dhe
shpërndarjen e kartave të identitetit. Në 2003, u zbulua
edhe skandali i këtyre kartave të identitetit, ku shumë
zyrtarë të lartë përfunduan në burg për
marrje ryshfetesh në shuma kolosale. Kjo firmë ka pasur edhe
një eksperiencë në Kosovë, por edhe aty nuk ka
rezultuar e suksesshme. UNMIK e kontraktoi këtë kompani
franceze, për të sjellë pajisjet dhe sistemin e
regjistrimit të gjurmëve të gishtërinjve të
popullsisë. Pajisjet dhe sistemi i saj dështuan, duke
bërë anulimin e procesit. Zyrtarët që supozohet
të kenë mbledhur shuma kolosale parash në monedha
vendase dhe të huaja, përfshijnë ata që
vijojnë duke përfshirë ish-ministrin e Punëve
të Brendshme, ish-Ministrin e Shtetit dhe Ministrin aktual të
Punëve të Brendshme, ish-Sekretarin e Përkohshëm,
ministrin aktual të Punës dhe Prodhimtarisë dhe
Sekretarin aktual të përkohshëm pranë
Ministrisë së Punëve të Brendshme. Sidoqoftë,
u zbulua se agjentët e "SAGEM" në Nigeri, përfshirë
menaxherin e zonës dhe të sistemeve të identifikimit,
Jean Pierre Delarue, qytetar francez dhe Niyi Adelagun, organizuan dhe
zbatuan një skemë ku paratë do t'i shkonin
zyrtarëve të lartë të shtetit. Christophere Agidi,
ish-drejtor i "DNCR" dhe një aktor kryesor në skemën e
ryshfeteve është arrestuar në Mbretërinë e
Bashkuar. Komisioni thotë se po bëhen përpjekje për
ta ekstraduar në Nigeri, për të marrë pjesë
në hetimin e komisionit.
