Armet: "Berisha" i dha Delijorgjit monopolin

Gërdeci ka qenë qendra e tregtisë së armëve gjatë 3 viteve të fundit. Të dhënat e Ministrisë së Mbrojtjes evidentojnë se rreth 41 për qind e të gjithë armëve që kanë dalë nga depot e ushtrisë, që prej vitit 2005 deri në shkurt të vitit 2008, kanë patur destinacion fabrikën e vdekjes në Gërdec. Sipas raporteve të Ministrisë së Mbrojtjes, gjatë viteve 2005-2008 janë asgjësuar gjithsej 37287ton municion, ku rreth 15 251 ton armë të ndryshme, që janë përfshirë në këtë tregti dhe që kanë kaluar përmes fabrikës së Gërdecit. Gjatë vitit 2007 në këtë fabrikë kanë shkuar, sipas dokumenteve të siguruara nga ana e Ministrisë së Mbrojtjes një sasi prej 6 486 ton fishekë të kalibrit 7.62 mm deri në 14.5 mm. Në këtë kontigjent të armëve ka pasur edhe fishekë të kalibrit 37 mm me gëzhojë tunxhi. Sipas dëshmive të bëra nga ana e punëtorëve të kësaj fabrike, gjatë kësaj periudhe, fishekët hiqeshin nga arkat e hekurit dhe kalonin në arka druri të një peshe më të lehtë. Këto fishekë nuk u demontuan kurrë, por sipas punëtorëve ngarkoheshin në kontenierë që kishin për destinacion doganat, ku, prej të cilave shkonin drejt blerësve potencialë.Ndërkohë, vetëm në muajt janar-shkurt 2008, drejt Gërdecit kanë shkuar me kamionët e ushtrisë 8765 ton municion, duke e kthyer kompaninë e të arrestuarit Delijorgji në monopol të projekteve për çmontimin e armëve në vendin tonë.

Tregtia lulëzoi në vitit 2007-2008

Viti 2007 dhe ai 2008, kanë përjetuar një lulëzim të vërtetë të tregtisë së vdekjes. Gjatë kësaj periudhe jo vetëm që drejt fabrikës së Delijorgjit kanë shkuar një sasi tepër e madhe armësh, në krahasim me periudhën 2005-2008, por gjatë kësaj periudhe, në drejtim të Gërdecit kanë shkuar një sasi tepër e madhe e municioneve që ndodhen në depot e ushtrisë. Duke mos patur asnjë lloj kapaciteti dhe mundësi teknologjike dhe magazinimi të këtyre municioneve, ndodhi edhe tragjedia e 15 marsit, e cila solli një numër të madh viktimash të pafajshme. Gjysma e sasisë së armëve, firmosur në emër të "Southern Ammunition Company", por që në realitet ishin në dispozicion të "Alb-Demil" ishin fishekë të kalibrit të vogël, armatim që përdoret për armët e lehta. Ndërsa pjesa tjetër e këtyre municioneve i përkisnin predhave të kalibrit të madh. Këto ishin pikërisht edhe municionet që po demontoheshin në mënyrën më primitive të mundshme, gjatë muajve të parë të vitit 2008, duke kulmuar me tragjedinë e shkaktuar nga një shpërthim me një fuqi atomike.

Armatimi

Totali i municioneve 37 287 ton (vitet 2005-shkurt 2008)

Totali = 15 251 ton

Ndreu: Specialistët e Shtabit nuk janë shprehur për prezantimin e SAC

Autoritete të SHPU, në Gërdec para tragjedisë

TIRANË- Tragjedia e Gërdecit ka ndarë në dy „llogore" Ministrinë e Mbrojtjes, të cilat duket se po mundohen t'ia hedhin përgjegjësinë njëra-tjetrës. Një ditë pas reagimit publik të këshilltares së Mediut dhe ende pa u përcaktuar nga organet hetimore roli i Shtabit të Përgjithshëm në ngjarjen e rëndë,përfaqësues të institucionit më të rëndësishëm të ushtrisë shqiptare kanë ngritur akuza publike ndaj ish-ministrit, pa dhënë asnjë shpjegim për kompetencat e paushtruara nga ana e Shtabit.Duke shkarkuar çdo përgjegjësi nga Shtabi, kolonelVladimir Ndreut ka pyetur publikisht ministrin e dorëhequr për përzgjedhjen e Gërdecit.„Specialistët e Shtabit nuk janë prononcuar për paraqitjen filmike të bërë nga përfaqësues të kompanisë SAC me një laptop në paradhomën e Sekretarit të Përgjithshëm të MM dhe nuk kanë informacion për faktin se cili institucion me cilin tagër i ka vlerësuar këto materiale në emër të palës shqiptare. Në qoftë se Ministri ka autorizuar një strukturë ose një person për ta bërë këtë, kjo nuk është përgjegjësi e Shtabit të Përgjithshëm"- është shfajësuar dje kolonel Ndreu.


Sipas kolonel Ndreut, vendosja e fabrikës në Gërdec ka qenë një vendim që ka anashkaluar autoritetin ligjor të Shtabit dhe kjo duket dhe në urdhërin e Mediut që cakton vendin e ndërtimit të fabrikës. "Urdhëri Nr. 550 datë 25.04.2007 i Ministrit të Mbrojtjesnë momentin e përgatitjes së tij nuk ka kaluar përmes Shtabit të Përgjithshëm. Do të jenë organet e specializuara që do t'i japin përgjigje pyetjes se përse Ministria e Mbrojtjeska shmangur Shtabin e Përgjithshëmnga vendimmarrja për përgatitjen e urdhërit që përcaktoi vendin për ndërtimin e fabrikës". Megjithatë, Ndreu nuk ka përjashtuar dje inspektimin e kryer nga drejtues të lartë të Shtabit të Përgjithshëm, në fabrikën e Gërdecit, duke shtuar se: „asnjë lloj vizite i kujtdo autoriteti ushtarak apo civil sado i lartë qoftë nuk kupton dhënien e certifikimit të asnjë aktiviteti. Çertifikimi bëhet me rregulla e autoritete të veçanta të përcaktuara po me ligj"-ka përfunduar Ndreu.